சிட்னியில் நடந்து வரும் இந்திய ஆஸ்திரேலிய அணிகள் மோதும் இரண்டாவது டெஸ்ட் தொடரில் ஆஸ்திரேலிய அணி அபாரமாக ஆடி 482 ரன்கள் எடுத்துள்ளது. இந்தியாவை விட ஆஸ்திரேலிய அணி 291 ரன்கள் முன்னிலை பெற்று வலுவான நிலையில் உள்ளது. ஆஸ்திரேலிய அணி கேப்டன் மைக்கேல் கிளார்க் இரட்டை சதம் அடித்துள்ளார்.
இன்றைய ஆட்ட நேர முடிவில் ஆஸ்திரேலிய அணி 4 விக்கெட் இழப்பிற்கு 482 ரன்கள் எடுத்துள்ளது. மைக்கல் கிளார்க் 251 ரன்களுடனும், ஹசி 54 ரன்களுடனும் களத்தில் உள்ளனர். இன்னும் 3 நாள் ஆட்டம் மீதமுள்ளது. இந்திய அணி, முதல் இன்னிங்க்சில் 191 ரன்களுக்கு சுருண்டது. ஆஸ்திரேலிய வேகப்பந்து வீச்சாளர் ஜேம்ஸ் பேட்டின்சன் 4 விக்கெட்கள் எடுத்து அசத்தினார். ஆஸ்திரேலியா அணி முதல் இன்னிங்க்ஸ் துவக்கத்தில் சற்று தடுமாறியது.
அதன் பின்னர் வந்த பான்டிங், கிளார்க் ஜோடி சிறப்பாக விளையாடியது. ஆஸ்திரேலிய வீரர் ரிக்கி பாண்டிங் 134 ரன் எடுத்தார். இது பாண்டிங்கின் 40 ஆவது சதமாகும். மைக்கேல் கிளார்க் அபாரமாக விளையாடி 251 ரன்களுடன், அவுட் ஆகாமல் இருக்கிறார். இது இவரின் 18வது டெஸ்ட் சதமாகும் . இவரது டெஸ்ட் உயர்ந்தபட்ச ரன் எண்ணிக்கையும் இதுதான். இதற்கு முன்னர் 168 ரன்கள்தான் கிளார்க்கின் அதிகபட்ச ஸ்கோராக இருந்தது.
