மக்களவைத் தேர்தல் வெற்றிக்கு புதிய வியூகம் அமைத்து இருக்கிறது தேமுதிக:விஜயகாந்த்

மக்களவைத் தேர்தல் வெற்றிக்கு தேமுதிக புதிய வியூகம் அமைத்து இருக்கிறது என்று, அந்த கட்சித் தலைவர் விஜயகாந்த் கூறியுள்ளார்.

மக்களவைத் தேர்தல் நெருங்கி வரும் நிலையில், தமிழகத்தில் இன்னமும் கூட்டணி கட்சிகள் உறுதி செய்யப்படவில்லை. தேமுதிகவுக்கு காங்கிரஸ், பாஜக, திமுக, மதிமுக அழைப்பு விடுத்துள்ள நிலையில், மக்களவைத் தேர்தல் வெற்றிக்கு தேமுதிக புதிய வியூகம் அமைத்து இருக்கிறது என்று சஸ்பென்சுடன் கூறி உள்ளார் விஜயகாந்த்.

இன்று சென்னை கோயம்பேட்டில் உள்ள கட்சித் தலைமை அலுவலகத்தில் பொங்கல் விழா நிகழ்ச்சி நடைபெற்றது. தமது மனைவி பிரேமலதவுடன் இந்த நிகழ்ச்சியில் கலந்து கொண்டு பேசிய விஜயகாந்த், மக்களுக்கு இலவசங்கள் தேவையில்லை என்றும், இது தேர்தல் வெற்றிக்கு உதவாது என்றும் கூறியுள்ளார்.

மேலும் கோர்வையான பேச்சுக்களால் மக்களை ஏமாற்றிவிட முடியாது என்றும் கூறியுள்ளார்.இதை எல்லாம் கருத்தில் கொண்டு மக்களவைத் தேர்தலில் வெற்றி பெற தேமுதிக புதிய வியூகம் அமைத்து இருக்கிறது என்றும் விஜயகாந்த் கூறியுள்ளார்.